DEL A

FORMÅL

§ 1 Alle elevar har rett til eit godt fysisk og psykososialt miljø, som er rusfritt, og fritt for mobbing, vald og anna krenkande åtferd. Formålet med reglementet er å skape godt samarbeid, god trivsel, respekt og medansvar. Reglementet skal fremme god orden og gode arbeidsvanar og slik legge til rette for god læring.
Reglementet forpliktar heile skolesamfunnet.
Reglementet omfattar:
· Elevane sine rettar og plikter
· Orden og åtferd
· Tiltak overfor elevar som bryt reglement, og framgangsmåten ved handsaming av slike saker

VIRKEOMRÅDE:

§ 2 Reglementet gjeld for alle elevar ved skolen under opplæring og, så langt anna ikkje er bestemt, også for vaksenopplæringa sine elevar, lærlingskoleelevar, hospitantar og andre når opplæringa skjer i skolen sin regi.
Reglementet gjeld også ved opplæringsformer og aktivitetar som blir gitt under skolen s ansvar og regi utanfor skolen sitt område, så langt dette ikkje er i strid med lokalgitte påbod eller forbod, eller ved ekskursjonar.
Reglementet er retningsgivande for vurdering av orden og åtferd.

RETTAR:

§ 3 Elevane har rett til vidaregåande opplæring jfr. opplæringslova med forskrifter, fylkeskommunale vedtak og gjeldande læreplanar.
§ 4 Eleven har rett til ei opplæring som er tilpassa føresetnader, evner og behov. Eleven har derfor rett til og skal delta i:
· Planlegging av opplæringa
o utforming av periodeplanar
o tolking og analyse av læreplanmål
o utforming av læringsmål
o val og utforming av kriteri for vurdering
o val av lærestoff i forhold til læreplanane, m.a. rett til sjølv å velje læreverk
o val av arbeids- og vurderingsformer

· Gjennomføring av opplæringa

· Vurdering av opplæringa
o sluttresultatet av arbeidet i forhold til læringsmål.
o prosessen som førte fram til resultatet.
Desse momenta kan vere individuelle for den enkelte elev, felles for ei mindre gruppe eller for større grupper.
Skulen er ansvarleg for å gi elevane dei nødvendige føresetnadene for å kunne delta aktivt i dette arbeidet.

§ 5 Elevane har rett til å få tilbakemelding, oppfølging og rettleiing i forhold til dei mål den enkelte arbeider etter.
§ 6 Det skal gjennomførast førebudde elevsamtalar minst ein gong kvar termin mellom elev og kontaktlærar eller annan lærar.
§ 7 Ved faglege, personlege eller sosiale vanskar som har innverknad på opplæringa, har elevane rett til rådgiving, oppfølging og hjelp til å finne seg til rette, m.a. tilgang til sosial- og spesialpedagogisk teneste.
§ 8 Elevane har rett til rådgiving om utdanning og yrkesval.
§ 9 Skolen skal ha eit system som sikrar at det blir vurdert i kva grad organiseringa, tilrettelegginga og gjennomføringa av opplæringa er med på å nå dei måla som er fastsett for eleven eller gruppa.
Grunnlaget for vurderinga er læreplanverket sin generelle del og fagspesifikke delar som heile skolesamfunnet er forplikta overfor.
Eleven har rett til og skal delta i denne vurderinga.
§ 10 Elevane har rett til og bør ta opp med skolen (faglærar, kontaktlærar, rådgivar, skoleleiinga, evt. gjennom elevtillitsvalte) forhold som ikkje fungerer tilfredsstillande.
§ 11 Elevane har rett og plikt til å danne elevråd og å vere representert i skoleutval, skolemiljøutval og arbeidsmiljøutval.
Elevrådsrepresentantar har rett til regelmessige møte med skoleleiinga.

PLIKTER:

§ 12 Elevane har plikt til å rette seg etter lover, reglement og instruksar som gjeld.
§ 13 Elevane plikter å delta aktivt i opplæringa i den form den blir avtalt.
§ 14 Eleven skal snarast mogleg ta kontakt med faglærar dersom han/ho ikkje kan følgje opp arbeid til avtalt tid.
§ 15 Elevane skal følgje verne- og tryggleiksreglar og bruke det arbeidsty og verneutstyr som krevst i læreplan eller som er påbode av arbeidstilsynet, departementet eller skolen.
§ 16 Elevane skal halde seg med nødvendig lærestoff, materiell og utstyr til eige bruk som skolen ikkje held. Pålagt materiell og utstyr eller betaling for dette må ikkje vere i strid med forskrift eller vedtak frå departementet eller fylkeskommunen.
§ 17 Skolen sin eigedom og utstyr skal brukast med omtanke. Hærverk og skade kan føre til erstatningsansvar, jf. skadeserstatningslova.
§ 18 Elevar som gjennom sitt arbeid, oppdrag eller verv i samband med vidaregåande opplæring blir kjend med spesielle opplysningar, har teieplikt etter forvaltningslova sine reglar § 13 - 13 f. Teieplikta gjeld også etter at eleven har avslutta vidaregåande opplæring.

DEL B: SÆRSKILDE REGLAR FOR ØRSTA VIDAREGÅANDE SKULE

§1 Målsetting

Skulereglementet skal vere eit grunnlag for skulen til å utvikle samarbeid, trivsel, respekt og medansvar. Reglementet skal fremje god orden og gode arbeidsvanar og leggje til rette for eit godt læringsmiljø.

Reglementet gir føresegner om :

· elevane sine rettar og plikter

· elevane sin åtferd

· tiltak i høve til elevar som bryt føresegnene og framgangsmåten ved handsaming av slike saker

§2 Virkeområdet

Reglementet gjeld for alle elevar ved skulen og, så langt det passar, også for andre grupper når opplæringa blir gitt i skolen sin regi.

Reglementet gjeld og i samband med opplæring og aktivitetar som blir gitt under skulen sitt ansvar og i regi utafor skulen sitt område, så langt dette ikkje er i strid med lokale reglement/påbod/forbod.

§ 3 Rettar

Elevane har rett til vidaregåande opplæring etter opplæringslova, fylkeskommunale vedtak og gjeldande læreplanar.

I samarbeid med medelevar og klassen/gruppa sine lærarar skal elevane ta del i:

· val av arbeids-, opplærings- og vurderingsformer og -metodar

· val av lærestoff innafor ramma av læreplanane

· oppsetjing av mål, periodeplanar og gjennomføring av desse

· utarbeiding av reglar for godt arbeids- og læringsmiljø i klassen

· skolevurdering

Elevane har rett til å få jamleg rettleiing og tilbakemelding i forhold til dei måla den einskilde arbeider etter.

a) Det skal gjennomførast elevsamtalar i samsvar med gjeldande forskrift.

b) Ved faglege, personlege eller sosiale vanskar som har følgjer for opplæringa, har elevane rett til rådgiving, oppfølging og hjelp med å finne seg til rette, medrekna tilgang til sosial- og spesialpedagogisk teneste.

c) Elevane har rett til rådgiving om utdanning og yrkesval.

d) Elevane har rett og plikt til å skipe elevråd. Elevråd og elevorganisasjonar har høve til å bruke bestemte oppslagstavler til sitt føremål. Rektor har overordna ansvar for innhaldet på oppslagstavlene.

Elevar og elevorganisasjonar kan etter avtale drive politisk og organisasjonsmessig arbeid på skulen i og utafor skuletida.

Skulen skal legge til rette for best moglege arbeidstilhøve for elevane og elevorganisasjonane sine tillitsvalde og også legge tilhøva til rette for at elevane blir engasjert til medvit og aktivitet i politiske problemstillingar og samfunnsspørsmål.

Elevrådsrepresentantane skal ha regelmessige møte med skuleleiinga.

§ 4 Plikter

a) Elevane har plikt til å rette seg etter lover, reglement, forskrifter og instruksar som gjeld til ein kvar tid

b) Elevane pliktar å delta aktivt i opplæringa i den forma den blir avtalt og gitt.

c) Elevane skal halde seg med lærebøker og utstyr til eige bruk.

d) Eleven skal utan ugrunna opphald ta kontakt med faglærar dersom han/ho ikkje kan følgje opp arbeid til avtalt tid.

e) Elevane skal følgje verne- og tryggleiksreglar og bruke det arbeidstøy og verneutstyr som det vert sett krav til i læreplanen eller som er påbode av arbeidstilsynet, departementet eller skulen.

f) Pålagt materiell/utstyr eller betaling for dette, må ikkje vere i strid med forskrifter frå departementet og vedtak i fylkestinget eller fylkesutvalet.

g) Skulen sin eigedom og utstyr skal behandlast med varsemd og omtanke. Hærverk og skader som følgje av aktløyse kan medføre erstatningsansvar, jf. Skadeserstatningslova.

h) Elevar har teieplikt etter forvaltningslova § 13-3 gjennom sitt arbeid, oppdrag eller verv i samband med vidaregåande opplæring. Teieplikta gjeld også etter at eleven har avslutta vidaregåande opplæring.

§ 5 Arbeids- og læringsmiljøet

Det skal leggjast vekt på å skape eit godt arbeids- og læringsmiljø prega av engasjement, aktiv deltaking og gode samarbeidsformer mellom alle i skulen. Det er viktig å vise respekt og medansvar og unngå eller hindre åtferd som har negativ innverknad på miljøet.

a) Alle må opptre omsynsfullt, realt og høfleg mot kvarandre. Plaging, mobbing, vald eller anna krenkjande åtferd vert ikkje akseptert. Alle partar i skolesamfunnet plikter å sjå til at dette ikkje skjer.

b) Arbeidsvanane til alle i skulen skal vere prega av ansvar og god orden, punktleg og påliteleg framferd.

c) Det er viktig for trivselen at det blir halde god orden over heile skulen - ute og inne.

d) Ingen i skulesamfunnet har lov til å røykje, snuse eller bruke andre tobakksprodukt i skolen sine bygningar og uteområde. Dette omfattar også fortaua mot Anders Hovdensgt. og Holmegata.

e) Bruk eller oppbevaring av rusmidlar er forbode på skulen sitt område. Det er også forbode å vere påverka av rusmidlar.

f) I undervisningssituasjon har elevane ikkje høve til å ha mobiltelefonen slegen på utan at dette er førehandsgodkjent av faglærar. Det same gjeld anna elektronikk som spel - radio ol.

g) Inntak av mat/drikke i undervisningsrom må også førehandsgodkjennast av faglærar.

§ 6 Frammøte og fråvær

a) Aktiv deltaking er nødvendig for god læring. Elevane pliktar å møte presis til opplæringa med mindre det ligg føre avtale med rektor, kontaktlærar eller faglærar om ei anna arbeidsform.

b) Avgrensa opp til 14 dagar i skuleåret vert følgjande ikkje rekna som fråvær:

· arbeid som tillitsvald i landsdekkjande organisasjonar på regionalt plan eller landsplan

· arbeid som tillitsvald i elevorganisasjon på regionalt plan eller landsplan

· dokumenterte lovpålagde oppmøte (vitneforklaring ol.)

· dokumentert langvarig eller kronisk sjukdom (meir enn 6 dagar samanhengande).

· organisert hjelpearbeid i krisesituasjonar

· inntil to dagar ved religiøse høgtider for elevar som er medlemmer i andre trussamfunn enn Den norske kyrkja. Elevane kan søkje skulen om at fråvær i samband med religiøse høgtider ut over dei to dagane ikkje skal bli rekna som fråvær

c) Alt fråvær ut over dei 14 dagane skal førast på vitnemål og kompetansebevis, Fråvær skal førast i dagar og enkelttimar. For delkurselevar skal fråværet førast berre i enkelttimar.

d) Eleven/kursdeltakaren kan krevje at grunnen til fråværet blir ført på dokumentasjonen og er sjølv ansvarleg for å dokumentere grunnen til fråværet.

e) Om ein elev blir sjuk eller av annan tvingande grunn må forlate undervisninga i løpet av skuledagen, skal eleven alltid melde frå til kontaktlærar/faglærer eller administrasjonen/ekspedisjonen.

f) Dersom fråværet varer meir enn tre dagar i samanheng, skal skulen ha melding.

g) Organisert eller sjølvstendig studiearbeid og skuleadministrative gjeremål blir ikkje rekna som fråvær når det på førehand er avtalt med rektor, kontaktlærar eller faglærar.

h) Høgt fråvær kan medføre at eleven ikkje får termin- eller standpunktkarakter. 20 % fråvær i fag er å sjå som ei øvre grense.

i) Skulen skal hjelpe, og legge til rette for elevar som får høgt fråvær på grunn av langvarig/kronisk sjukdom eller omsorgsansvar. Dette for å unngå tap av opplæring og vurderingsgrunnlag.

§ 7 Fusk eller forsøk på fusk

Bruk av ulovlege hjelpemiddel og kommunikasjon med andre i ein prøvesituasjon blir rekna som fusk. Det same gjeld avskrift av andre sitt arbeid og som blir levert som eige produkt.

Dersom ein elev blir teken i fusk eller forsøk på fusk ved eksamen eller prøver, skal forholdet meldast til eksamensansvarleg eller rektor.

Fusk ved eksamen er regulert ved forskrift til opplæringslova § 4–57.

Karakteren på den prøva eller arbeidet det gjeld, blir annullert.

§ 8 Konsekvensar for elevar som bryt reglane

Brot på reglementet vil resultere i reaksjonar mot eleven i form av refsingstiltak, særskilde tiltak og/eller nedsett karakter i orden og åtferd.

Refsingstiltak vil vere:

· påtale frå ein tilsett ved skulen.

· utelukking frå klasse/gruppe for resten av timen etter faglærer si avgjerd.

· utelukking frå skulen for resten av skuledagen etter avgjerd av rektor.

Ved alvorlege brot på skulereglementet, eller dersom eleven ikkje betrar seg etter refsingstiltak, kan særskilde tiltak setjast i verk.

Dette inneber:

· bortvising av eleven inntil fem dagar

· bortvising for resten av skuleåret etter vedtak i fylket, jf. Opplæringslova § 3-8. Dette kan medføre at eleven i tillegg taper sine elevrettar etter § 3-1 i same lov.

· Tap av retten til vidaregåande opplæring. Bortvising medfører ikkje at eleven fell utafor ansvaret til oppfølgingstenesta.

Alle tiltak skal dokumenterast skriftleg.

I tillegg til refsingstiltak eller særskilde tiltak kan t.d. følgjande vere ein konsekvens av brot på reglementet:

· avgrensa tilgang til spesielle aktivitetar ved gjentekne eller alvorlege brot på reglar/retningsliner for slike aktivitetar.

· Ved skade o.l. på skulen eller annan sin eigedom, der det er nødvendig med særskilde reinhaldstiltak og/eller reparasjon av skade, vil erstatning bli vurdert (jf. Skadeserstatningslova).

· Brot på reglementet vil bli vurdert ved fastsetting av termin- og standpunktkarakter i orden og åtferd.

§ 9 Sakshandsaming

Før refsingstiltak blir sett i verk, skal eleven ha høve til å forklare seg.

a) Ved særskilde tiltak skal rektor først rådføre seg med eleven sine lærarar.

b) Før ein tek i bruk særskilde tiltak skal skolen først vurdere alternative tiltak, t.d. hjelpetiltak og/eller individuell kontrakt, og rådgjevar eller sosialpedagogisk personale skal ha uttalt seg.

§ 10 Kontakt skule/heim

Det skal leggjast vekt på å skape gode samarbeidsformer mellom skule og heim, og foreldre/føresette.

§ 11 Særskilte tilleggsreglar for spesielle område

For spesielle forhold som ikkje fullt ut vert dekt av reglementet eller felles reglar gitt av departementet eller fylket, kan skulen utarbeide eigne reglar, t.d.:

· ordningar og bruk av kantine og matsal i bygg D

· bruk av spesialrom (t.d. laboratorium)

· bruk av verkstad, kjøken o.s.b.

· bruk av utstyr

· bruk av dataprogram

· bruk av datarom

· reglar for bruk av internett.

· reglar ved ekskursjonar

· reglar om parkering

· reglar for skuleavis/russeavis

· reglar for elevråd